आनंदी दिर्घ आयुष्याचे जपानी रहस्य जाणून घ्या

जगातील कोट्यवधी लोकांना जपानी रहस्यचे आकर्षण इकीगाई म्हणजे जगण्याचे कारण आणि अर्थ शोधणे

#feng shui tips hindi #astrology #wisdom #wisdom365

या प्रश्नांची उत्तरे शोधावीत . . . दीर्घ आणि निरोगी आयुष्याचे रहस्य शोधण्याचा प्रयत्न संशोधक अनेक शतकांपासून करत आहेत . गुणसूत्रे , आहार आणि व्यायाम हे तीन घटक यासंदर्भात नमूद केले जातात . यामध्ये आयुष्याचा अर्थ शोधणे या घटकाचा मात्र ठळकपणे विचार केला जात नाही , इकीगाई पद्धतीत तसा तो केला जातो .

आपल्या कोणत्या गोष्टींनी आनंद होतो , कोणत्या कृती करायला आपल्याला आवडतात आपल्या आयुष्यात कोणती तत्वे आणि व्यक्ती महत्त्वाच्या आहेत ? यासारख्या प्रश्नांची उत्तरे शोधणे या पद्धतीत अपेक्षित आहे .

इकीगाई ( Ikigai ) हे आहे जपानी नागरिकांच्या आनंदी दीर्घायुष्याचे रहस्य जपानमध्ये वयाची शंभरी गाठणे याचे कोणालाच आश्चर्य वाटत नाही . जपानी भाषेत इकी म्हणजे जगणे आणि गाई म्हणजे कारण , इकीगाई म्हणजे जगण्याचे कारण , जगण्याचे हे तत्त्व प्राचीन असून , त्याला हजार वर्षांचा इतिहास आहे . गेल्या दहा वर्षांमध्ये या तत्त्वाबद्दल जगभर कुतूहल निर्माण झाले आहे . काही संशोधक या तत्त्वाचा अभ्यासही करत आहेत .

इकीगाई म्हणजे जगण्याचे कारण आणि अर्थ शोधणे इकीगाई तत्त्व जपानमधील हेइअन ( Heian ) काळाशी संबंधित आहे . इसवी सन ७९४ ते ११८५ हा हेइअन काळ मानला जातो . जपानम धील ओकिनावा या भागात इकीगाई आधारित जीवनपद्धतीचा अवलंब केला जातो . ओकिनावा हा दक्षिण जपानमधील बेटांचा समूह आहे . हा समूह अमरभूमी ' म्हणून ओळखला जातो . जगातील सर्वाधिक शतायुषी ( वयाची शंभरी पार केलेले ) नागरिक या भूमीत राहतात . प्रसिद्ध पत्रकार डॅन बटनर यांनी २००९ साली शंभर वर्षे कसे जगायचे ' या विषयावर टेड टॉक म्हणजे व्हिडियोद्वारे व्याख्यान दिले होते . जगातील पाच ठिकाणी राहणारे नागरिक दीर्घकाळ जगतात , असे आढळले आहे . या पाच ठिकाणांना बटनरने ब्लू झोन असे संबोधले आहे .

ओकिनावा , ( जपान ) , सार्डिनिया , ( इटली ) , निकोया , ( कॉस्टा रिका ) , इकारिया , ( ग्रीस ) आणि | लोमा लिंडा , ( कॅलिफोर्निया ) . या पाचपैकी ओकिनावा येथील नागरिक सर्वांत जास्त काळ जगतात . यासंबंधीची आकडेवारीही बटनर यांनी सादर केली असून , ती इंटरनेटवर उपलब्ध आहे . त्यांनी म्हटले आहे , अमेरिकेत आयुष्याची विभागणी साधारणपणे दोन भागात केली जाते . वर्क लाइफ आणि रिटायरमेंट लाइफ .

ओकिनावात रियायरमेंट हा शब्दच कोणाला माहीत नाही . तेथे इकीगाई जीवनपद्धत प्रमाण मानली जाते . या पद्धतीचा अर्थ येथे तुम्ही सकाळी कोणत्या कारणाने जागे होता , ' असा लावला जातो . ' ओकिनावातील मासेमारी करणारा १०१ वर्षांचा कोळी सांगतो , माझ्या कुटुंबासाठी आठवड्यातून तीन वेळा मी मासेमारी करतो , त्यामुळे मी सकाळी उठतो . येथील १०२ वर्षांच्या आजी म्हणतात , मला माझ्या खापरपणतीला खेळवायचे असते , त्यामुळे मला सकाळी जाग येते . ' १०२ वर्षांच्या कराटे मास्टरला कराटेचे धडे भल्या पहाटे शिष्यांना द्यायचे असतात. त्यामुळे तो पहाटेच उठतो . या तिन्ही उदाहरणांवरून आपल्याला इकीगाई जीवनपद्धतीची कल्पना येते.

जगण्याचे उद्दिष्ट , अर्थ आणि प्रेरणा यांना ही पद्धती महत्त्व देते . जपानमधील तोहोकू विद्यापीठाच्या संशोधकांनी २००८ साली ४० ते ७९ या वयोगटातील ५० हजार नागरिकांचे सर्वेक्षण केले . त्यात इकेगाईचा अवलंब करणाच्या नागरिकांना हृदयविकाराचा धोका अत्यंत कमी असल्याचे आढळले . इकीगाई म्हणजे जगण्याचे कारण आणि अर्थ शोधणे . आपण सकाळी जागे का होतो यासारखे काही सोपे प्रश्न स्वतःला विचारून प्रत्येकाला हा अर्थ शोधता येतो . या शोधासाठी पाच कृती प्राधान्याने करता येण्यासारख्या आहेत.

१ . लहान कामाने सुरुवात : मोठी कामे वा उद्दिष्टे साध्य करायची असतील , तर सुरुवात लहान कामांनी केली पाहिजे . प्रत्येक लहान काम हे काळजीपूर्वक करा , म्हणजे तुमची टप्प्याटप्प्याने मोठ्या कामाकडे वाटचाल होईल . हे तत्त्व आयुष्यातील प्रत्येक उद्दिष्टाला लागू होते . उत्कृष्ट , कसदार अन्नधान्याची पैदास हे कोणत्याही शेतक - याचे उद्दिष्ट असते . ते साध्य करण्यासाठी तो जमिनीच्या मशागतीपासून सुरुवात करतो , तण उपटून ती साफ करतो . पेरणीस योग्य अशी जमीन करण्यासाठी त्याला बरीच कामे वेळच्या वेळी करावी लागतात . पिकांची लागवड , त्यांना पाणी , खत देणे , किडीपासून बचाव करणे अशा लहान कृतींमुळेच भरघोस पीक घेता येते.
'

२ . स्वतःच्या वास्तवाचा स्वीकार करणे : स्वत : बद्दलच्या वास्तवाचा स्वीकार केल्यास तुमच्या मनावर कोणताही बोजा राहात नाही . तुम्ही सकारात्मकतेने आणि ठोसपणे कृती करता ; मात्र स्वतःबद्दलच्या वास्तवाचा स्वीकार करणे अवघड असते . तो तुमच्या प्रगतीच्या मार्गातील मोठा अडथळाही असतो . तुम्ही जर स्वत : चा स्वीकार केला , तर नक्कीच समाधानी होता . समाधानाने केलेली कोणतीही कृती तुम्हाला - यश देते.

३ . लोकांबरोबर सामंजस्याचे संबंध ठेवा : तुमच्या संपर्कात येणा - या लोकाशा तुमचे सामंजस्याचे संबंध हवेत . आपण समूहाबरोबर काम करत आहोत याचे भान तुम्हाला हवे . यामुळे तुम्हाला लोकांचा पाठिंबा मिळतो , प्रोत्साहन मिळते आणि तुम्ही तुमचे उद्दिष्ट गाठू शकता.

४ . लहान गोष्टींमधील आनंद : हवेची झुळूक , सकाळचा चहा , पहाटेची सूर्यकिरणे यासारख्या लहान गोष्टींचा आनंद तुम्हाला घेता आला पाहिजे . तुमची दररोजची सकाळ प्रसन्न हवी . दररोज कोणत्या गोष्टी आनंद देतात ते तुम्हाला म हीत असले पाहिजे , त्यांचा अनुभव तुम्ही घेत राहिला पाहिजे.

५ . वर्तमानात राहा : सर्वांत महत्त्वाचा घटक म्हणजे तुम्ही वर्तनमानात राहा . उपलब्ध क्षण भरभरून जगा . याशिवाय ही जगण्यातील कोणतीच लढाई जगू तुम्ही जाही . शकणार नाही.